لمّا

موضوع: رد: لمّا الإثنين 23 مارس 2009, 11:38 pm

لمّا ع شهد جروح قلبي الخوت

شهرت سلاحا من عدا انذار

عيوني أكيده تحوّلو ياقوت

لكن ضلوعي شي شقف فخّار

Butterfly2

ي سلاحها رحمه ومش منشان

عمري مصمّم جن كرمالا

لكن حرام زرار كل بستان

بتفقع قهر بتشنّق بحالا

rose

موضوع: رد: لمّا الثلاثاء 24 مارس 2009, 11:24 pm

مزحة بدون زَعَل
EarthLove

لمّا قْـرالَك يا عـلّوش
بَفْهَم شَي وما هـو شَي
لا الطَعْمِة طَعمِة خرّوش
ولا لَحمِة عا مَنقَـل شَي
BigSmile

موضوع: رد: لمّا الأربعاء 25 مارس 2009, 12:48 pm

ههههه

ما بزعل من الخي بو حنّا الوفي

ولا بالعتب بترك شموعي تنطفي

لكن منير يا راويه عقلو خفيف

ما عاد بدّي دوّخو بالفلسفه

flowers3

ويمكن يقولو ان صرّحت اكثر

علّوش صاير بالشعر ازعر

ووحياة خاطر رمشها السفّاح

مأكّد اذا قرّبت بتفجّر

greetings

موضوع: رد: لمّا الأربعاء 25 مارس 2009, 11:09 pm

[center]:GlitteringFlow

لَمَّا هـدّدني العلّــوش
وعا تفجـيري عقلو راح
بْحالَك يَ صْغَيَّر مغشوش
ومَ بْتِقْدَر عا حَمْـلِ سلاح
قُدّامك دَجَّــنت وحوش
وما فيني قَرْقِــش تُفَّاح
وْطَلقات الخاطي والبوش
بْريشِة وَحْدِة أعْملاّ جْناح
وعندي البحر ال فيّو تطوش
وعندي محيط بقَعْرو ارتاح
لَ تْخَوِّفني بْحُمرا وروش
بإذني الديك بْصُبْحو صاح
greetings

[/center]

موضوع: رد: لمّا الخميس 26 مارس 2009, 5:10 pm

لمّا كتبت رح ينفجر فيي

عن سحرها الخالد ي برباره

ما كان قصدي تحل جنّيه

عا وعيك وما تفهم المضمون

لكن اذا عا بالك المجنون

صوب الجهاله يشن شي غاره

تكرم بحرفي بفجّرك من وهج

سحبة قوافي كتير قهّاره

ahlanwasahlan

موضوع: رد: لمّا الخميس 26 مارس 2009, 10:12 pm

:GlitteringFlow
لَمَّا خيوط الكِلْمِة تْهِل
الجملِة تْدَوِّر عا معنى
قْوافي بْفِكْرَك حِلاّ حَل
سِــل سيـوفَـك سَمِّـعْـنا
BigSmile

لَمّا جيت بْنَبض ورود
وصيّادَك رامي شْباكو
أرْبُط في أرضك لَتعود
مْكَسِّر عَظمات وْراكو
Love

نْعَتْني بمجنون الحِلْوات
ال جهـلو فيهن عُقَّـال
وِبْحالِك سود العَرْكات
بْفَلْسِـف طَعم الأقـوال
Love

موضوع: رد: لمّا الجمعة 27 مارس 2009, 7:16 am

لـــمّا بــيجن جنونو
من فكارو ينبع شلاّل
بيعطي من أحلى فنونو
بو حنّا بضرب الأقوال

موضوع: رد: لمّا الجمعة 27 مارس 2009, 2:54 pm

لمّا بغضب ع الجوقات

بقشّ الكلّ وما في حد

بعواصف شعري الأبيات

سيوف الرحمه بامضى حد

* * *

مش قاعد من دون شغله

حتّى اعزف ع بيانو

لمّا الوقت بيسمحلي

الخصم بهرّلو سنانو

smile

موضوع: رد: لمّا الجمعة 27 مارس 2009, 7:30 pm

:hello:
لمّا الأسهم في البورصات
وْوَقـتو دَيِّق يا عيـوني
ما فَيّـُو يْكُـر الأبـيات
ومـن رَبّو طالِب عَـوني
NewLol

لمّـا بْوَقتـو يجيد يجيب
وِيْسَـمِّـعـنا ألـحـانو
رَح في قَلْبو يزيد الريب
خايَـف لَ سْحَبْلـو لسانو
Love

موضوع: رد: لمّا السبت 28 مارس 2009, 2:26 pm

لمّا يجرّب فرخ البوم

يقلّد شحرور الاوزان

م بيطلع شعرو مهضوم

وحيثو خلقه بنصّ لسان

برباره عندي معزوم

يركع عا جمر الشيطان

ويرجع عا بيتو بزلعوم

معقود بجهل لسانو

ya3teek