بيقولوا

موضوع: رد: بيقولوا الخميس 13 أغسطس 2009, 7:36 pm

ع منبر خيّي تركي .. جايي الليلة تنحّيك
ذانك أفركها فركة .. حتّى علّم غيرك فيك
tulips

تَ نعيدُه ليحـيى للرُشد .. يشدّ الهـام ويلقّانـي
مسكين وأعيـاه الجهد .. صـاير يحـكي ألماني
يا بو شوقي منّي وعد .. أعكــس إسمُة بثواني
يتخبّى مِت ييجي الرعد .. ويمطِر برقك بو حنّا
GoodMorning2

يا يحيى لو فيك تطـير .. للقمرة وتجيب تراب
مغازل شعري فيكِ تْغير .. ولسرابك أفتحلُة باب
بـنزين بيلزم تتـسـير .. وللطفل بنبعث ألعاب
أهرب وتخبّى بـشي دير .. ما لَكْ حبّ ببيدرنا
tree

موضوع: رد: بيقولوا الخميس 13 أغسطس 2009, 7:45 pm

هههههههههههههههه

جميل جدا
سياتيك الرد لاحقا مشغول في العمل الجديد
بموقع الجليل
تحياتي للجميع

موضوع: رد: بيقولوا الجمعة 14 أغسطس 2009, 12:08 am

يحيى باعمالو مشغول***** دشّر يحيى باعمالو
وعقبالي ممنوع تجول **** قبالي مش مثل قبالو
واللّي متعوّد ع الفول ***** اللحمه بتشغلّو بالو
بطول وعرض وعرض وطول * الله يعينك بو حنّا

القافيه نّا , ارجو الالتزام . من شان الله .

horses

موضوع: رد: بيقولوا الجمعة 14 أغسطس 2009, 4:17 am

يا اهلا بوائل ايوب **** ع ناري جيت وطليت
فول وحمص وحبوب *** وبريقك فاضي من الزيت
ع المنبر منك موهوب *** بتمنى رجوعك ع البيت
لا تنسى شعرك معطوب *** وجايي علينا تتجنا

اهلا وسهلا بالشاعر الجميل وائل ايوب
بس عل قليله قول السلام عليكم يا عرب
بعدين اهجم على يحيوشستان

بوحنا حرامي مغطيك *** بشرشف شعري وخيالو
ع جهنم بدي وديك *** يا خيال ل خاف خيالو
بيجي وقت ورح امحيك *** والمنبر يعلا مجالو
وت المثلك يتشفا فيك *** يقولوا يحيى ريحنا

شاعر غنا وشاعر قال /// وما شبعوا من اشعاري
برباره داخل ع مجال /// ت يشوط بجو فكاري
غربلتو بقلب الغربال /// صفا من ثيابو عاري
يمشي وبيوقع بالحال /// وصار بحالو يتكنا

موضوع: رد: بيقولوا الجمعة 14 أغسطس 2009, 7:56 am

تركناكم شمع وبيذوب**بنهار مضَيّع ليّلو
بردي وحدي من ايوب **المنبر وقف عا حيلو

flowers

موضوع: رد: بيقولوا الجمعة 14 أغسطس 2009, 9:45 am

نجوم الليل النورا ضعيف .. بشارة صـغيرة بطفّيها
ألف تصيروا تزيدو نَيف .. النور ال عندي يوازيها

يا يحيى أشكـر أيّوب .. مِثْلَك علـق ومتعـامي
ومفيد بيعصر خرّوب .. ردِّة وبِـفِـلاّ ثـانـي
شمعات بإيدي بتذوب .. جَمعـة زادِت إلهـامي
تتسابق في درب هروب .. من عصارِة فكر ال عِنّا

موضوع: رد: بيقولوا الجمعة 14 أغسطس 2009, 10:15 am

عا مهلك يا بو حنّا عَ رْفاقك عم تتجنَّى
حُطّ قْشاط وْسوق مْنيح بكرا بتندم عَ الحِنَّا

_________________

موضوع: رد: بيقولوا الجمعة 14 أغسطس 2009, 11:33 am

هالتركي لأنّة مسؤول .. سائق ماهر مع رخصة
يمحى قول يخلِّـي قول .. بالآخـر بقّ البحصة
جاييني مـع دقّ طبول .. أصبُغ شعرات البرصا
والحـرّ بكلماتُة يصـول .. بلا ألـوان ولا حِنَّا

موضوع: رد: بيقولوا الجمعة 14 أغسطس 2009, 11:52 am

كل عمري عم صيْد نسور**مش بالي ألحق غربان
وكثرة ما عميطلعلي طيور**من تقويصُن شو تعبان
وقبالي عم يمرق عصفور **بعدو بأيدي مش علقان
رح نَتِّف ريشو عَ صخور**وأشوي لحمو بمنقلنا

flowers

موضوع: رد: بيقولوا الجمعة 14 أغسطس 2009, 12:15 pm

عندي رخصه إِسْمَا كَفّ مَ بْتِهْوَى إلاّ العُقْصَه
عا عُقْصِةْ بوحنّا غَفّ كَفِّي وْرَح كَفِّي القصَّه
يا بْطبل ومزمار ودَفّ جايي تَ نْبُقّ البُحْصَه
لا منلفّ وْلا مْنِلْتَفّ وْعَا لَفَّك مَ مْنِتْأَنَّى

_________________