بيقولوا

موضوع: رد: بيقولوا الأحد 05 يوليو 2009, 6:34 pm

الكلمة الحلوة بِتْخَلِّي .. الحيّة تطلع من وكرا
والبِشعة مهما تحلّي .. شَهدا أصلبْ من صخره

قُوِّةِ الكلمه همسِه .. توشوش حلوِه تغريها
وياما حْروف منِ اللمسِه .. داخت منها قْوافيها
وصوتَكْ طيَّر النَّعسِه .. والحلمِ النايم فيها
وسوسة حبرك منغمسِه .. وما راضي تْحِلاّ عنّا

موضوع: رد: بيقولوا الأحد 05 يوليو 2009, 7:13 pm

برباره الكلمي الطيبي-- شهد النحلي بتستحلي
ولما بتضرب عن صيبي-- بواب الجني بتفتحلي
ولازم من بعد الغيبي-- يا برباره تفرحلي
لكن خوفك ع الجيبي-- جاب المحل لْ موسمنا
***********************
من مكتبتي العلم نشاع -- وملا هالدنيا أبداع
لكن في سر وممنوع -- هالسر بذانك ينذاع

موضوع: رد: بيقولوا الثلاثاء 07 يوليو 2009, 8:46 pm

الكلمة الحلوة بدون جناح = يرفرف طيرا بالعالي
تفتح قفل بلا مفتاح = صاحبها جيوبوا مالي
لوقالا صادق يرتاح = اثمن من جوهر غالي
يكسب حربو دون سلاح = محامي ماعاد بنا
***
ابو شوقي

موضوع: رد: بيقولوا الثلاثاء 07 يوليو 2009, 9:33 pm

مكتبة الفارس أسرار .. عتمة تحت الشمسيِّة

مكتبتي في وضح نهار .. شمس ونور وحريّة

احكيني عن سرّ الخلق .. سرّ المعمورة كلاّ
صوت الرعد ولمعة برق .. ميِّة وبخار ال علاّ
آفات ال عاشقها الشرق .. من مدّة الغرِب مَلاّ
بيني وبينك كبر الفرق .. وبسرّك خيّي تهنّا

greetings

عقاب الشعر بمجالو .. شيخ الحفل وانشادو
فهم الرمز وأحمالو .. رد الَرد ب إيرادو
الأصل مأصّل إيصالو .. شهد المحبّة جادو
بنبقى نشكر أفضالو .. ومن أشعارو بنتغنّا

موضوع: رد: بيقولوا الأربعاء 08 يوليو 2009, 5:38 pm

سر العنك قالو نشاع--ماعندك للسر محل
ولو جينا عندك جياع--بتتركنا نموت وبتفل
وهالكون كبير وبوساع--اسرار تفضل تع حل
عن برمودا السر نذاع--اصل الشر بموطنا

موضوع: رد: بيقولوا الأربعاء 08 يوليو 2009, 6:10 pm

قالوا الشر تخبى وضاع = الغازي خبزو وجرابو
هاجم عا بلادي طماع = وسموم الفرقا حرابو
طفل حجاره بالمقلاع = يسدد للاقصى حسابو
مافي سر المخفي شاع = المجد بيعرف احبابو
الاخوه تلاقوا فتحو باع = محمد معروف وحنا
****
ابو شوقي

Falasteen

موضوع: رد لمفيد الأربعاء 08 يوليو 2009, 10:51 pm

مفيد فارس كتب:

لو جينا عندك جياع--بتتركنا نموت وبتفل

----

عا طاولتي لو زرتا .. وأهلا وسهلا إن شرّفت
بذهنك رح تعلق صورْتا ..حتّى الشيب ولو خرّفت

هاي أجمل خُصلة فيي .. باب بيتي دومو مفتوح
طاولتي هيي هيي .. إسأل عنّي وين متروح
مشاوي وكبّة نيي .. والخمر التعشقها الروح
حاتم في ظلّي يفيّي .. ودين التهمة وفَّينا

رد لأبو شوقي

الجملة مغزى وما في .. لحن يدخّلها للقلب
والحشوة منّا بتوفي .. وتدّل التايه عن درب
وأسرار الجن الرهفة .. قسمة وجمع وطرح وضرب
ما فيها توقف وقفة .. بواجب وحدة موطنّا

موضوع: رد: بيقولوا الجمعة 10 يوليو 2009, 8:25 pm

الانسان بطبعو طماع --كنوز الدنيا بيهواها
ولو حتى عند الاوجاع --كلمة الله بينساها
-----------------------------

الله يخليلك هالدار--وتبقى اللقمي تطعميها
ونحنا منغزل هالاشعار--حتى السهره نْحَّميها
عم تسألني عن اسرار --الكون ودخلك شو فيها
غير الهم بلون شحار --وفيها نحنا تعثرنا

موضوع: رد: بيقولوا الجمعة 10 يوليو 2009, 11:49 pm

لا تتعثر بالاشعار ----- جايي يحيى تيحميك
ولا تهتم بالاشرار ------ نحن حدك يبو شريك
عندك خزنه من الافكار ----- ويلو البتحركش فيك
يابن الفارس يا مغوار ----- فيك نحنا تشرفنا

موضوع: رد: بيقولوا السبت 11 يوليو 2009, 1:44 pm

يا يحيى الشعر الموزون--شغلة فارس ع المنبر
وجنبي طالب حتى تكون--تسلم وحدي عم أكبر
بو حنا غصن الزيتون --بعمرو مره ما تغبر
والفارس بعدو بيمون --عَ الاشعار بمنبرنا

اهلا وسهلا بيحيى
شرفت ورقستان