بيقولوا

موضوع: رد: بيقولوا الإثنين 02 نوفمبر 2009, 11:12 pm

برباره تك التكّه***أنا بــعــــرف دُبـــّاره
هوني جفوتي مندكّه***تلعلع جُوّات الحاره
لو جيتك عا هالعكّه***وعامل فيها شطاره
وعملت بدانك حكّه*** بتفهم كلام الحادي

موضوع: رد: بيقولوا الثلاثاء 03 نوفمبر 2009, 12:22 am

اخي الكريم محمد علي الصالح
اولا انا لم انتبه انها على نفس الوزن وحتى اني لا اذكرها
ولولا تذكيرك لي بحفلة الكويت لما انتبهت وثانيا الردة بتقول
وانت العايش تن طعميك البسكوت بيرضي سنك
وثالثا هذه الرده ليست لزغلول الدامور بل لطليع حمدان
واما رابعا اعود ثانية لارحب بك واقول لك
اهلا استاذ محمد علي الصالح
يا اخي عبرنا بالاول وبعدين انتقدنا
وبالتي هي احسن
دمت بخير وحبر

موضوع: رد: بيقولوا الثلاثاء 03 نوفمبر 2009, 12:44 am

شرف بو لياس المغرور *** وجاي يضارب بحجارو
مش عارف مالو مقهور *** كنو زعلان بدارو
جايي تعليي يجور *** بسم الشعر وافكارو
مسكون بجن المسحور *** ومفكر حالو بو شادي

ارجع عن دربك حيد *** ولا تتناوط للاعلى
عد العشره وفكرك عيد *** ابقلك اهلا وسهلا
محسوبك شاعر سيد *** حولت جبالك سهلا
وللسلم بمدلك ايد *** ع شرط بتعبدني عبادي

موضوع: رد: بيقولوا الثلاثاء 03 نوفمبر 2009, 11:05 am

يحيى وبو الياس الجوز .. جوز ومن جوّا فاضي
الله لا يجبرني عوز .. وسل السيف الماضي
يحيى بتنقَّل تَيفوز .. وبو الياس تنصّب قاضي
ومخلخل شعرُن مهزوز .. صفر مكعبل بشهادة
هههههههههههه

موضوع: رد: بيقولوا الثلاثاء 03 نوفمبر 2009, 6:06 pm

يا برباره وَيّنك وَيّن-- أهلا فيك بمنبرنا
عم يشتقلك بُبو العين--كيف حوالك خبرنا
قُلو ليحيى رمح الزيّن --مهما بشعرو يحاربنا
مش رح يبقى الا ثنيّن-- قَد المنبر وزيادي

موضوع: رد: بيقولوا الثلاثاء 03 نوفمبر 2009, 7:06 pm

اعتَّز القلب بأحلا شريك .. المنبر شعشع أنوارو
لو يحيى بوردة يرميك .. بسهمي لَوِّع أفكارو
عِنَّا الكلمة معنى وشيك .. تْغَرِّق يحيى وأبحارو
والحصن ال جدارو سميك .. ايْنِّخ قبالُه عبادي

موضوع: رد: بيقولوا الثلاثاء 03 نوفمبر 2009, 7:25 pm

لا منير ولا الفارس *** يساوا قشه بميزاني

الشاعر المثلي دارس *** والمثلك قدامي حاني

يركع عبابي حارس *** يحمي قصري وتيجاني

وين صحابك يا فارس *** نادي عرجالك نادي

لا بوحنا بتندهلو *** بتقلو وينك يا شريك

وهو ماشي عمهلو *** ويحيى بيتعشى فيك

وهو الخايف من وهلو *** مستني يتشفى فيك

عمرو الخاين باهلو *** يلاقي ترحيب الغادي

موضوع: رد: بيقولوا الثلاثاء 03 نوفمبر 2009, 8:37 pm

يا دارس عا ضرسك بحص .. وقصرك باني من كرتون
ردّاتك عا مجهــر فحص .. من ربّا عم تُطلب عون
وكلماتــك عا مدَقِّة رص .. ما إلها طعم ولا لون
نحنا اثنين بنــحيي النَّـص .. ويحيى بْصف الردّادي

موضوع: رد: بيقولوا الثلاثاء 03 نوفمبر 2009, 11:13 pm

تحيّاتي للجميع إخوتي أحبتي مفيد فارس ، يحيى عامر ومنير البربارة.
لكم حسن النوايا ويا هلا فيكن ، بحب أقول شي منير بس البيعرفو، أنا مزّيح وبحب كون مزّاز في الكلام .
إتحمـّلونا وخليها ساعة مرح

موضوع: رد: بيقولوا الثلاثاء 03 نوفمبر 2009, 11:25 pm

مين الفينا هالمغرور***ومين للعشره يعدعد
عمّا هوني تلف تدور***يا مشخـّص متل الهدهد
أرضك رح إزرعها البور***ومن أبياتي إبجدد
تاخذ من هالشطره نور***تا تمشي دادي دادي