بيقولوا

موضوع: رد: بيقولوا الجمعة 06 نوفمبر 2009, 8:11 pm

مش عيبي نظلو الأنسان --وحدوبشعرو يتغنى
بس العيبي بهالميدان --يغني معنا مش معنى
ويحيى برافو هالفنان --صوت وصوره بيسرعنا
ظلك غني بهالبلدان --وأوعى توقع بالجوره
----------------------------
حاجي بريشاتك تنفيش --جنحك هرو ريشاتو
ومش رح يطلع ثاني الريش--ويتعبى عَ جناحاتو
نازل بالعالم تلطيش --ويحيى هيدي عاداتو
لما نقرر نحنا نعيش --بسرعه بيبني لقبوره

موضوع: رد: بيقولوا السبت 07 نوفمبر 2009, 12:32 am

سَمّاني شيخ وختيار .. قبلان الاسم بْجِلّو
حكمة وإيقاع وأثمار .. ت العاق الزيّو دِلّو
ولو جينا من ثاني مْسار .. عمري قد عمره بقلّو
تزوّجنا وزرعنا بذار .. بعكس الماشي بعكس السير
ماشي خليفاني بجورة

ضوّينا مفتاح النور .. ع الأشعار المحبوكة
كحّلنا الكلمات الحور .. بالإيدين المشبوكة
وفتحنا ليحيى صدور .. بالنقاهة مسبوكة
لكنّه بعكس الدستور .. شحبر وج الصبّورة

موضوع: رد: بيقولوا السبت 07 نوفمبر 2009, 1:48 am

محلا رفاقي الحلوين *** ع خشبة كرسي المنبر
ثلاثه صاروا شياطين *** والموقع عنهن خبر
قبال ل عامر جايين *** بهجمة الله واكبر
ارحم يا يحيى مساكين *** الشغله منها مضروره

ع رفاقي رح بتأنى *** وخفف من وهل الاشعار
العامر ناطر يستنى *** فارس الشب المغوار
قالوا الشاعر بوحنا *** ع ميطلق اشعارو عيار
قلتلهن هذا بيتكنا *** وبخاف خيال الصوره

موضوع: رد: بيقولوا السبت 07 نوفمبر 2009, 10:53 am

يا شويّعر حاجي تهديد--المنبر عارف فرسانو
نحنا لبسنا الثوب جديد -- وجبنا الشعر من لسانو
وشيطانك لو مد الأيد --بنقطع أيدو وسيقانو
وساعة ما بدك وتريد --تفضل أعمل كسدوره

موضوع: رد: بيقولوا السبت 07 نوفمبر 2009, 10:56 am

مفيد فارس كتب:

يا شويّعر حاجي تهديد--المنبر عارف فرسانو
نحنا لبسنا الثوب جديد -- وجبنا الشعر من لسانو
وشيطانك لو مد الأيد --بنقطع أيدو وسيقانو
وساعة ما بدك وتريد --تفضل أعمل كسدوره

تنشوف كيف فيك تمشي

موضوع: رد: بيقولوا السبت 07 نوفمبر 2009, 7:56 pm

طلبنا الخير لْقَيْنا شر .. بْعُقدة كَحَّل حاجْبَيْنو
ما بنخافُه طَير الفِر .. بْفِلْفِل فَرفِك لُه جبينو
جبن خيالُه فيُّه اغتَّر .. واجب شَغِّل تأمينو
ويا بنيي بكفي تِنْجّر .. مثل عنيزة مكسورة

موضوع: رد: بيقولوا الأحد 08 نوفمبر 2009, 3:26 am

يا فارس قطع الاعناق *** عجهنم رح بدو يوديك
شعري للمتلك ترياق *** تيشفي الامراض ل فيك
ع قطع زنودي مشتاق *** ع شعرك الله يهنيك
وحياتو الله الخلاق *** بخلي سيوفك مكسوره

لابو حنا بقلو

لو مره لعندي جيت *** بفرشلك ارضي خيرات
شري بعمرك ما لقيت *** وبعدك ما ذقت الويلات
لو عامر مره تحديت *** عل منبر بعمل هزات
وتصير تتمنى ويا ريت *** وتنذر لالله نذوره

موضوع: رد: بيقولوا الأحد 08 نوفمبر 2009, 11:13 am

شَرَّك لا بد بيإذيك .. وهت مراجِل ما بدِّي
ع المنبر عم نُلطُم فيك .. وبالصدفة تظبِّط ردِّي
نصيحة تاخذها فريك .. وشرّك ضبُّه والعدِّي
يمّا بْبَلِّش فيك دبيك .. ويقولوا بو حنّا جاع
ناوي يذبح عبورة

--
الفارس سألَك تمشي كيف .. ما ردّيت ولا نفَّست
مشهور إنتْ بلا تعريف .. ع ثلاثة حامل هالدست
بتمشي حافي بصمت حفيف .. وبتقلِّد عصفور الفِست
لكن حتّى تصير خفيف .. رح غيَّر لك هندامك
وتلبس ميني التنّورة

أحسن من بلا ..

موضوع: رد: بيقولوا الأحد 08 نوفمبر 2009, 3:08 pm

ما بدي رزقك أقطع -- وما بدي حافي مشيك
بدي من بذاري أزرع--حتى من الغلي طعميك
وبدعي لربي تيسمع --ومن أمراضك تيشفيك
وعنا ع المنبر ترجع -- مثل الوردي بقاروره

موضوع: رد: بيقولوا الإثنين 09 نوفمبر 2009, 4:13 am

بو حنا وفارس نعجين *** ويحيى حدهن عم يزأر
رح نتفكوا بهل فكين *** وصبحيي عليكوا افطر
يا ولاد لانتوا ضدين *** العامر ال فيكوا اخبر
واحد + واحد قرشين *** ما بتساوا الطبشوره

ان جيتوا اليوم وغد *** يحيى جاهز للعركه
لساني شعرو ع الحد *** والخزنه فيها بركه
من الله بيوحيلي الرد *** ترفقاقي افرك فركه
ونجينا نحكي بالجد *** نسر يقاتل عصفوره

بوحنا وفارس طلاب *** بمدرسة شعاري دخلوا
وبو الياس هرب وغاب *** من شعرو بين بخلو
ولو بيجي سبع الغاب *** بمنخل افكاري بنخلو
والمنبر ما بيفتح باب *** لبيوت الشعر المهجوره