بيقولوا

موضوع: بيقولوا الإثنين 15 يونيو 2009, 11:19 pm

بيقولو الكلمة بتنقال .. وبإسما تحمل إسما
عنّا من زمرة من قال .. سمّا غطّا عا إسما

موضوع: رد: بيقولوا الإثنين 15 يونيو 2009, 11:24 pm

عنّا الشُعّار الحلوين .. اسم وصيت ويخزي العين
وعنّا لو وقعو بحطّين .. كل اسم بإسمو تحنّا

موضوع: بيقولوا الجمعة 19 يونيو 2009, 9:42 pm

لَوْ كانُوا الشُعّار أْلوفْ --- بْهَيْصَة وْعَيْطَة وْخَشّ دْفوفْ
بُو شادي شاعِرْ مَعْرُوفْ -- شِعْرُو ، وِبْإسْمُو تْكَنّى

موضوع: رد: بيقولوا السبت 20 يونيو 2009, 7:38 pm

لولا الفارس سيّفو شال--والمتلو بالساحه قلال
كان الدم الغالي سال-- وطرطش خَدك وتحنى

موضوع: رد: بيقولوا السبت 20 يونيو 2009, 9:27 pm

مـع إنّو كلماتي قـلال ** لا فيهِن لا قيل وقال
بالمعنى بْيُرْقص موّال ** وبالـوزن الطير تْغَـنّى
redrose

موضوع: رد: بيقولوا الأحد 21 يونيو 2009, 9:43 am

الموال بيحكي معنى = لو قلنا ما منتغنى
زعبي ومفيد ومنير =ودف وكف المحنى
***
ابو شوقي

ahlanwasahlan

موضوع: رد: بيقولوا الأربعاء 01 يوليو 2009, 11:15 pm

بو شوقي خَتْيَّر بكّير .. لا أوزان ولا معنى
والزعبي لِسَّاتو زغير .. رَدّاتو ما سمَّعنا
وفارسنا خمراتو جير .. بْسَلّ سيوفو لَوّعنا
هلال يصير وما بصير .. إلاّ بريشة بو حنّا

محبّة

موضوع: رد: بيقولوا الخميس 02 يوليو 2009, 12:58 am

يا داخل روضه بكرت = تصيح وعالسور تقاقي
عحصاني فارس ختيرت = وبفكري بحمي رفاقي
تلف الكوع وما زمرت = بوجهك صاروخ تلاقي
ياشمعه ذبت وجمرت = ومضه من زيتك باقي
عن زندي الاسمر شمرت = الله يساعد بوحنا
***
ابو شوقي

smile

موضوع: رد: بيقولوا الخميس 02 يوليو 2009, 2:27 pm

يا بو حنا ان كنت الروح--بدي روحك انزعها
بكلمي زغيره عم بتلوح --البسمي الحلوي توزعها
وبو شوقي العطر البيفوح --احلى ورده بيزرعها
لما عا قبرك منروح --بافعالك تا نتغنى

سلامة قلبك يا بو حنا

موضوع: رد: بيقولوا الخميس 02 يوليو 2009, 5:42 pm

في رَوْضِة سَكْب الأزجال .. مْعَلِّم في رشّ ورودو
وبو شوقي بْرَفع الأثقال .. شَمَّر لَغَسل زنودو
مَنّو للــشَرْعَة حمّال .. ورفاقو مَلّو وعـودو
الصقر الساكن روس جبال .. بدم طْريدِة بِتْحَنَّى

يا مفيد إن كنّـك عيـد .. بالمرّة بَلْغـي وجودَك
من قبالي يا فارس حيد .. لَ طَقْطِق بيدي عودَك
روحي واحة بقلب البيد .. روحي تْفَييِّ عَ جرودَك
ترافقني في رحلة صيد .. بمـــوتَك كاسر يِتْهَنّا

سلامتك من الآخ