موشح

موضوع: رد: موشح الخميس 16 يوليو 2009, 1:38 am

قالو عن قلبي جاهل = ودموعي سرار

ومتلك سمرا بتستاهل = جوّ الشعّار

بمملكة نهودك عاهل = إحساسي صار

والقصّه مش بالسّاهل = إحكم ع جبال

موضوع: رد: موشح الخميس 16 يوليو 2009, 2:38 am

مرحبا بك يا اخي علي ويا اخ الشعر

السمره مثل الجمره *** وعيون وساع
حرقتني بناره الحمره *** تيحيى ضاع
والشقره حطت حومرا *** والسر نذاع
ختلفوا الشقره والسمره ***ع ه الرجال

موضوع: رد: موشح الخميس 16 يوليو 2009, 10:52 am

ثِمك شهدو بيستحلي --الصايم للعيد
بس بخاف من النحلي--خليني بعيد
بواب عيونك تفتحلي --ساعة ما بريد
وجوا القلب بتسمحلي --عمر عرزال

موضوع: رد: موشح الخميس 16 يوليو 2009, 11:02 am

يحيى عامل دَوريّي --بين الحلوين
بيتلفلهن يوميّي --صرلو من سنين
شاف الحلوي الشرقيّي--أم العشرين
حب يحاكيها شويّي --ضاع الارسال

موضوع: رد: موشح الجمعة 17 يوليو 2009, 2:08 am

مراحب اخي يحيى منوّر

عا طول منابر قلبي = بتفتح جبهات

بين الشوق المتخبّي = وبين الغصّات

وحياتك زيحي القبّه = خلّي النحلات

تغبّ الشهد وع الغربه = تحملّي سلال

موضوع: رد: موشح الجمعة 17 يوليو 2009, 9:45 am

فلشتي حرامك ع حرامي--ونسَل الليل
فتكروني أهلي حْرامي --صاحو يا ويّل
علقتيني بأحلامي -- ومن ثاني ميّل
وعيت بغصة ألآمي --وصَفيّت خيال

موضوع: رد: موشح الجمعة 17 يوليو 2009, 6:48 pm

العوافي يا شباب كتير حلو

وضعتي بركوة حرّيه = جمراتك هال

شاعر وعملتي فيي = عمايل جهّال

* * *

صرلي مدّه يا سمره = عم بوفي وعود

حيرة اشواقي خمره = وليلي عنقود

متمنّي تشيلي الحمره = عن طيب ورود

وتتجلّى فينا الغمره = ويبدا الموّال

موضوع: رد: موشح الجمعة 17 يوليو 2009, 7:59 pm

لبست فستان قصير *** وطلعت مشوار
وشافا عقلو طير *** وصفا محتار
دمي بقلبي فور *** اولع نار
لما الهوا طير *** التحت الشال

موضوع: رد: موشح الجمعة 17 يوليو 2009, 9:08 pm

شعرك ع كتافك نازل--شلال ورود
بعيوني الحلوي يغازل--ويدق العود
في بيني وبيّنك عازل--شيلي لِ حدود
تا ابني بقلبي منازل--حُبك بالحال

موضوع: رد: موشح الجمعة 17 يوليو 2009, 9:40 pm

ابن الفارس بحبك +++ وفيكي ولهان
ويحيى قاعد بعبك +++ ينقود رمان
وعلي قاعد عجنبك +++ يكتب الحان
وانت هني ما بدك +++ بدك اموال

[