موشح

موضوع: رد: موشح الجمعة 04 سبتمبر 2009, 4:35 am

الله يسعد صباحك يا استاذ عقاب
الظاهر انك مصحصح على الموشح

موضوع: رد: موشح الجمعة 04 سبتمبر 2009, 4:44 am

الله يسعد صباحك يا استاذ عقاب
الظاهر انك مصحصح على الموشح
*****
وصباحك وصباح ورقستان وكل الاحباء سعاده
وخير وبركة , اشتقتلكم بعد غيبه قسريه .
شكرا بانتظار اطلالتك المباشرة
****
ابو شوقي
bahmadakabis@hotmail.com

موضوع: رد: موشح الجمعة 04 سبتمبر 2009, 5:10 am

الغايب رجع وطل --- واهلا وسهلا بهطله
برجوعك فتحت الفل --- يا عقابي انت الفله

راجع من بعد غياب --- شعشع صبحي بقدومو
اشتاقوا ليك الاحباب --- ول نايم ما منلومو
ويا تسلملي يا عقاب --- فوقي جناحك بحوموا
عشعرك فاقوا الاصحاب --- بلا صوت ولا اقوال

موضوع: موشّح غزل الخميس 01 أكتوبر 2009, 12:40 am

موشّح غزل :

عطر خدودك عطّرنا *** وثغر البسّام
وبسماتك بتفطّرنا *** والدنيا صيام
= = = = = = = = = = = = = = = =
قلبي غمّقتي جراحو *** بسهم العينين
وعينيك عنّي شاحو *** هالقسوه منين
ايام الحب ال راحو *** بلاقيهن وين
وطير القصقصت جناحو * من المغرب نام

موضوع: رد: موشح الخميس 08 أكتوبر 2009, 5:29 pm

عطر خدودك عطّرنا *** وثغر البسّام
وبسماتك بتفطّرنا *** والدنيا صيام
***
جرحتيني بغمزة عينك *** قلبي حساس
والحاجز بيني وبينك = خوفي من الناس
قريضيني وبوفي دينك = حب والماس
القاضي ما بيني وبينك = مفتي الاسلام

*****
ابو شوقي

موضوع: رد موشّح غزل . السبت 10 أكتوبر 2009, 12:10 am

يابو شوقي يا شاعر *** بالاسم كبير
بتفسير الغمزه شاطر *** عا درب البير
السمرا خلّتني ماهر *** بالقول كثير
وليلي وايّامي ساهر *** شعر واحلام

موضوع: رد: موشح السبت 10 أكتوبر 2009, 10:45 pm

بغار عليكي من عيوني = ومن نسمة ريح
غمرت الصورة بجفوني = وخبيتا مليح
نارك شعلت بجنوني = والحب يصيح
مثلي ريتا مفتوني = وعندي تصريح
منتواعد عالزيتوني = بتزور الشام
****
ابو شوقي

موضوع: رد: موشح الأحد 11 أكتوبر 2009, 12:43 am

غيابي عيونك زرعوني = وحي الاشعار

حتّى طافت بفنوني = عطور الآثار

واخلاقك هـ الهديوني = مجد الاحرار

من آخرتي ردّوني = ومحيو الآثام

موضوع: رد: موشح الأحد 11 أكتوبر 2009, 11:12 am

غياب عيونك زرعولي = وحي الاشعار
حتّى طافت بفنوني = عطور الأحلام
*****
قالتلي بغمزة عينا = ذوق الدراق
والفاصل بيني وبينا = ميدان سباق
فرصا ضيّعتا حينا = بعيد العشاق
صدفه وقتا تلاقينا = ضاع الالهام

ابو شوقي

يا عامر مرجك عامر ***** شعر وافكار
وشعرك هالمنبر غامر ***** داير مندار
ومنبع تفكيرك فاير ***** موجك هدّار
وعا اعدا الكلمه غاير **** ياسبع الشام