صرلي عمر

موضوع: صرلي عمر الثلاثاء 18 أغسطس 2009, 12:40 pm

صرلي عمر اسهر مع الحرمان
بليل الألم والضو ما يطلع
وبفرد كاسه خمرة الايمان
ومع مازة الحلم الجمر اجرع

صرلي عمر احمل فدا دموعي
شيّار همّي وادفن العنّه
بتراب قلبي وضجّر ولوعي
ومتلي ضمير الليل مستنّي

صرلي عمر حزّم على الأسرار
منديل حكتو بخيط بسماتي
واعزف بحبر الروح ع الآثار
لحن الطهر من كفر ابياتي

صرلي عمر مع شردة عطورا
هايم بصحرا وعود ملغومه
تا شاطر المجنون شي مشوار
وبعيد حبّا شعّل كرومي

صرلي عمر احلم بأعجوبه
نبعة ضماير تشقع بشي جرد
بشوكه تبلسم حيرة دروبي
وجمره تصلّي عا نهود الورد

صرلي عمر دفّي الشمس بكتاب
بفيّة حلم طاهر من نبيدي
وزوّج حنين العاصفه سرساب
دمّو أمل والروح تنهيده

صرلي عمر ع مخدّتك سافر
وتغلي ورا الايّام قهوتنا
يتعب صباح الشعر ع غيابك
وترقص بعرس الغيم شهوتنا

موضوع: رد: صرلي عمر الثلاثاء 18 أغسطس 2009, 12:56 pm

صرلي عمر دفّي الشمس بكتاب
بفيّة حلم طاهر من نبيدي
وزوّج حنين العاصفه سرساب
دمّو أمل والروح تنهيده

صرلي عمر ع مخدّتك سافر
وتغلي ورا الايّام قهوتنا
يتعب صباح الشعر ع غيابك
وترقص بعرس الغيم شهوتنا

رائع يا علي
الله يعطيك العافيه

flowers

موضوع: رد: صرلي عمر الجمعة 21 أغسطس 2009, 3:58 pm

صرلي عمر ع مخدّتك سافر
وتغلي ورا الايّام قهوتنا
يتعب صباح الشعر ع غيابك
وترقص بعرس الغيم شهوتنا

ديما تغنينا بعذب الكلام
وفيض المشاعر تعطينا
يا علي ببعتلك سلام
كلماتك الحلوة بتروينا

_________________
وبعدني ناطر
من أول هالدني
تا يطل شي يوم
وما إلو غياب

موضوع: رد: صرلي عمر الإثنين 24 أغسطس 2009, 4:54 pm

اخي مفيد مرورك هو الرائع

دمت بخير

موضوع: رد: صرلي عمر الثلاثاء 25 أغسطس 2009, 12:15 am

اخي المازن بعودتك

شكرا من الاعماق

موضوع: رد: صرلي عمر الأربعاء 16 سبتمبر 2009, 4:09 pm

صرلي عمر شرّد حلى موّال

حتّى م يحرق شمسها ع الشط

والعمر صرلو بنهدتي اجيال

مراعي شعور الرمل كل ما غط

* * *

صرلو عمر بثيابها علقان

متل العطر والليل غنّيه

لا الزنبق تدلل بهـ البستان

ولا الريح هديت روحها فيّي

* * *

صرلا عمر بالبال محفوره

ع حبال روحي نذور تتفرّع

شمس وبثلج الآخ محصوره

منها مزاريب الفجر تشقع

موضوع: رد: صرلي عمر الخميس 29 أكتوبر 2009, 12:07 pm

صرلو عمر يعزف على تجاعيد

زنبق بكفّ الريح ألحانو

وكلما بيشلعلو وتر شي عيد

يفتح بفجر جديد دكّانو

* * *

صرلي عمر سافر مع النغمات

واحرق حدود البرد

متل النظر وبرفقة الغيمات

رحلة عطر والورد

* * *

صرلا عمر تسكب بواحة ليل

شعر وحلا وسرار

آثار تزرع بالقلب عا ميل

بيقرب عمر آذار

صرلي عمر غرّب قضايا الريح

واحرم خوابي الروح آلامي

والشمس تتوحّم على تصريح

دمعة حروفو موت وقيامه

صرلي عمر لبعيد

ودّي حبر حتّى النبع يفرح

الأمل ربّو نبيد

ودين الخليقه طقطقه ومسرح

صرلا عمر تسكر

ورغم التعب قبقابها اللمّاع

ما حلّل المنكر

لكن حرمنا نخلّد الاطباع

صرلي عمر سرّب

بتقول والغيمه بسماها تجن

مرّه قصدت جرّب

اصمد ع حق الليل صار يعن

* * *

صرلي عمر الفي على تابوت

فيه الدّهر انغام عم بينوح

شكّيت بالغبره على الياقوت

فاق الحلم يضحك ع طقم الروح

* * *

صرلي عمر اطوي وراق الحل

ونادي ل ع بالو يدوخ ويغنّي

باعو ضمير الحلم بالتفّاح

والزيت زحّط تاج هـ الجنّه

موضوع: رد: صرلي عمر الأربعاء 18 نوفمبر 2009, 5:38 pm

الشاعر علي عامر المحترم

(صار لي عمر) أقرأ وأستمع إلى العامية، وأنت -على صغر سنك-
أحد الشعراء الّذين يكتبون بعمق، ويمدون القارئ والسامع بالجمل والصور الذهنية الرائعة.
دمت ودام قلمك، وإلى المزيد من الإبداع.

_________________

لَمْ أَعُدْ أَنْشُدُ الْخَيْرَ مِنْ نَفْسي،
لإدْراكي أنَّ الْمَرْءَ يَنْشُدُ ما يَنْقُصُه.